Boh Janeng (Ubi Aceh)

Assalamualikum wr.wb

Saleum sèujahtera kèu geutanyoè mandum, Seugala pujoè mandum meuwoè kèu pô Allah, Seulawèut sajan bandum keu Rasulullah.

Nibak wate yang meutuah nyoè admin mèunèuk peuturi bacut tentang boh kaye yang saboh
nyoe bak anèuk Acèh yang ban-ban rayek baroèsa,
ataupun sebagoè sipuè-puè yang jeut kèu  peungigat bagi aduen-aduen lon sekalian yang ka awai neupajoeh pisang..
Nan boh kaye nyan adalah ” Boh Janeng ” teuma paken nan jih boh janeng??
nyan yang bek neutanyeng bak lon, karena hana lon teumeung peuglah hiem ngen ureung droneuh.

Teuma kiban boh kaye nyan teuman ??
Nyompat hai Admin peulumah gamba jih :
Boh Janeng
Courtesy Of Google
   
Meunyoe keu bak jih kiban teuman??
Nyompat hai Admin peulumah lom gamba bak jih :
Bak Janeng
Courtesy Of Google

Sigoe hap takalen memang lage hi boh ubi atawa boh gadoeng ken??
bak jih pih lage bak ranub ken??
jawaban jih memang beutoi, karna boh “janeng” nyo manteng saboh keluarga dengen ubi-ubi yang laen, lage boh gadong, boh ubi, boh kupila, dll
Bak janeng nyoe biasa jih timoh lam uteun rimba atau dalam gampong-gampong pelosok,

Ciri-Ciri Bak Janeng

  • Bak jih meu-eu eu ateuh bak kaye laen
  • Bak jih meuduroe
  • Oen jih lage oen ranub uteun tapi meucabeung
Nyoe keuh yang jeut Admin tuleh kali nyoe, neumeulake Admin beupanyang umu dan beusehat badan
mangat jeut admin tuleh lom dalam kesempatan laen.

Wassalamualaikum wr.wb

Leave a Reply

Your email address will not be published. Required fields are marked *