Peudeung Aceh

Assalamualaikum wr.wb

Syukur dan pujoe mandum meuwoe keu po Allah, Seulaweut sajan mandum keu Rasulullah

Nibak kesempatan kali nyoe admin meuneuk tuleh bacut tentang peukakah prang yang geupakek le ureung aceh yoh masa jameun uroejeh, yang bak jameun jinoe ka ji thei deungen nan sinjata adat.
Kiban teuman peukakah prang nyan??
Peukakah prang nyan na keuh peukakah yang geupakek le ureung aceh awai yoeh masa geumeuprang deungen beulanda, peukakah nyan antara laen lage yang akan admin tuleh jinoe, yaitu :

PEUDEUNG  

Peudeung nakeuh salah saboh peukakah yang geu peuguna le ureung aceh awai sebagoe sinjata untuk geuteutah atawa geutak lawan yoeh masa prang jameun.

Peudueng
Courtesy Of Google

Di aceh jithei na padin-padin boh asai peudeung, yaitu :

  • Habsy (asai nangroe abbesinia)
  • Peudeung Portugis (asai dari eropa)
  • Peudueng Turki (isai dari raja-raja turki)
Di aceh na padin-padin macam bentuk mata peudueng, yaitu :
  • Peudeung Oen Teubee (peudeung yang mata jih lage oen teubee)
  • Peudeung Oen Jok
Asai peudeung kalheuh, mata peudeung kalheuh, yang golom geu peudung ken??
Jinoe admin peugah teuma tentang jeuneh-jeuneh geu peudueng yang na di aceh, yaitu :
  • Hulu Tumpang Beunteung
Tumpang Beunteung
Courtesy Of Google

Geu peudeung tumpang beunteung nakeuh geu peudueng yang babah jih meubuka lage abah naga,fungsi jih untuk geupethen menyoe na seurangan, geu peudeung nyoe asai jih dari lungke keubeu dan mata jih dari beusoe.panyang peudeung nyoe karap 70cm.

Peudeung Tumpang Beunteung
Courtesy Of Google

  • Hulu Ulee Meuapet 
Ulee Meuapet
Courtesy Of Google

Geu peudeung ulee meuapet nakeuh geu peudeung yang geu jih na atra apet yang fungsi jih geupeuget untuk geuthen seurangan apabila geunak tak le ureung bak jaroe ureung mat peudueng. jeuneh peudeung yang geu jih lagenyoe biasa jih sabe geupelop dalam saroeng. dan na geukaet deungen hai mistik, karena hanjeut geusuet bak sembarang tempat. 
Courtesy Of Google
  • Hulu Tapak Guda
Tapak Guda
Courtesy Of Google
Geu peudeung tapak guda nakeuh geu peudeung yang hi tapak gaki guda, geu tapak guda nyoe biasa jih geupeuget dari lungke. panyang jih trok sampoe 72 cm.
  • Hulu Iku Mie
 Iku Mie
Courtesy Of Google

Geukhen peudeung iku mie karna geu jih yang hi lage iku mie.

  • Hulu Ikue Itek 
Iku Itek
Courtesy Of Google

Geu kheun peudeung iku itek karna geu jih yang hi lage iku itek.

  • Hulu Babah Buya
Babah Buya
Courtesy Of Google

Nyan bai hai rakan meutuah, meunyoe kureung jeulah deungen penjeulasan di wateuh, nyompat na gamba di miyueb jeut neukalen supaya mangat jeulas :

Macam-Macam Jeuneh Geu Peudeung
Courtesy Of Google

Sekian dile tulesan kali nyoe, admin harap deungen na tulesan nyoe akan jeut keu ilme baroe keu rakan-rakan sekalian, atawa sebagoe pengulangan bagi yang ka awai neuteupue.

Leave a Reply

Your email address will not be published. Required fields are marked *