Bungoeng Meulu

Assalamualaikum wr.wb

Syukur dan pujoe mandum meuwoe keu po Allah, Seulaweut sajan mandum keu Rasulullah.

Nibak kesempatan nyoe, admin meuneuk tuleh bacut tentang jeuneh bungoeng yang na di Aceh, yaitu bungoeng :

MEULU

Bungoeng Meulu 
Courtesy Of Google

Bungoeng meulu nakeuh salah saboh jeuneh bungoeng yang na ji timoh di aceh, menurot haba na  saboh caritra teuntang bungoeng meulu nyoe, brat kaetan jih deungen lagenda atawa haba jameun yang turun temurun geu caritra lee ureung-ureung tuha awai baroejeh, caritra jih menoe :

Nibak jameun barojeh lam saboh nangroe di aceh,hudepkeuh sipasang adoe deungen aduen yang ka geutinggai le dua droe ureung chik neuh. dua droe ureung nyan nakeuh bungoeng meulu deungen bungoeng peukeun, di bungoeng peukeun buet geuh si uroe-uroe nakeuh geuyak mita udeung lam laot, bak saboh uroe meusaboh udeung pih han geurumpok lee bungoeng peuken nyoe, hingga deuh geukalen lage saboh boh bak laot nyan, teuma oeh lheuh nyan meugeuyak cok teuk boh nyan dan geu puwoe u rumoh le bungoeng peukeun.
Troeh u rumoh teuma geutanyoeng le bungoeng meulu puetra yang neupuwoe, teuma geujaweub le bungoeng peukeun hana sapue pih, dan langsong geuyak reuboh dan geutaguen,padahai bungoeng meulu kalheuh neupeugah bak bungoeng peuken supaya bek geupajoh boh nyan,tapi bungoeng peukeun han geupateh,hingga geupajoh laju. ban ka singeuh uroe tiba-tiba bungoeng peukeun geurasa grah yang luar biasa,dan trep-trep bungoeng peuken jitimoh sisek bak tuboh geuh, hingga akhe jih kajeut keu naga.

Teuma oeh lheuh jeut keu naga geukheun le bungoeng peukeun bak bungoeng meulu :
“Wahe bungoeng meulue, boh yak ta peutinggai gubok nyoe dan tajak minah”
seuoet bungoeng meulue :
“Ho tajak kak?”
jaweub bungoeng peukeun lom :
“Tajak minah hai adoe lon”
Teuma meugeupateh teuk haba bungoeng peukeun, dan segolom geujak geukheun le bungoeng peuken :
“Wahe adoe meutuah kapet keuh 3 tangke bungoeng di likot gubok tanyoe dan tamat yang keng”
Lheuh geupeugah nyan, meugeujak teuk hingga geulewat bak saboh krueng,dan bungoeng peukeun merasa grah that hingga geujep lah ie krueng nyan sampoe habeh, teuma oeh lheuh nyan meu jiteubiet keuh saboh naga rayek dalam krueng nyan dan jimeulhe ngen bungoeng peukeun yang kajeut keu naga chit, hingga bungoeng peukeun keuh yang meunang.

Lheuh geu peukoeh krueng nyan, teuma trok teuh bak teungeh laot, dan tiba-tiba troek teuk saboh naga yang meuleupah na raya lom, yang ji seurang bungoeng peukeun,hingga terjadi keuh pertempuran hingga bungoeng peukeun taloe dan mate.

Bungoeng meulue merasa weuh geuh ateuh kepergian kakak geuh yaitu bungoeng peukeun yang ka hana le bak geulawan naga rayeuk.

Pertempuran Bungoeng Peukeun Ngen Naga
Courtesy Of Google
Seunambong dari caritra nyoe jeut neubaca bak blog di miyub nyoe,cara jih tinggai neu teugeun manteng bak tulesan (blog-nyoe) yang na di miyueb :


Et noe keuh yang jeut admin peusampoe, leubeh dan kureung admin lake meuah, jaroe 10 di ateuh ule, meuah lon lake wahee syedara.

Bungoeng Seulanga

Assalamualaikum wr.wb 

Seugala jeuneuh pujoe mandum meuwoe keu po Allah, Seulaweut sajan madum keu Rasulullah

 Nibak kesempatan kali nyoe admin meuneuk tuleh tentang bungoeng yang that meusyuhu di aceh selaen bungoeng jeumpa, bungoeng nyoe nan jih bungoeng :

SEULANGA

Dan sekaligus nyang akan admin peujeut sebagoe bahan tulesan admin nibak kali nyoe.
Bungoeng seulanga nakeuh salah saboh bungoeng yang na di aceh, warna bungoeng jih meukeununeng dan meubèë jih haroem that.
Bak kaye jih ubeut dan tangke jih pih ubeut, biasa jih bungoeng seulanga nyoe sabe geupasoè dalam keulindet ureung tuha-tuha jameun di Aceh, atawa geu-lhat  bak boh langgoi.

Bungoeng Seulanga
Courtesy Of Google

Layak jih bungoeng jeumpa, bungoeng seulanga nyo pun na cae jih, yang kisah jih geucaritra kiban aneuk dara yang meuneuk dewasa. nyompat na jangeun tentang bungoeng seulanga :


Bungoèng seulanga..seulanga keumang cot uroè…
Haroèm bèë bungoèng oh ado cukop that muesra…
Didalam cintra seulanga malam ngen uroe eu sayang…
Dua geutanyo
è seulanga tak meuduk dua….

ya..aaaa seulanga bungoèng seulanga….
ya..aaaa seulanga bungoèng seulanga….

Udep beusare seulanga mate beusigoè…
Dua geutanyoè hai ado beu meubahgia…
Mudah raseuki Tuhan bri..malam ngen uroè o sayang..
Raseuki tanyoè beu e’k seujahtera….

Cukop that haroèm seulanga di Naggroè Aceh…
Bungoèng teulebeh seulanga indah that rupa…
Bah pih lam rantoè dilon nyoe lon woè u aceh oh sayang…
Beu ek teujabe Seulanga haba teuh  dua

Bungoeng Seulanga
Courtesy Of Google
Di mata donya bungoeng seulanga nyoè pun hanjeut ji anggap remeh,karna di eropa bungoeng seulanga nyoe ji peuget keu bahan dasar untuk jipeuget minyeuk preet.yang meubei jih mangat sileumpah.
Etnoe keuh yang jeut admin tuleh uroenyoe, kali laen akan admin sambong lom yang leubeh lengkap lom.


Meunyoe neuk meurunoe bahsa Aceh jeut di miyueb nyoe:

Bungoeng Jeumpa

Assalamualaikum wr.wb

Seugala jeuneuh pujoe mandum meuwoe keu po Allah, Seulaweut sajan mandum keu Rasulullah

Nibak kesempatan kali nyoe admin meuneuk tuleh bacut tentang bungoeng-bungoeng di aceh yang kajeut keu simbol daerah, lage jangeun-jangeun yang ka seureng ta deungeu di aceh bahkan ka troeh u nanggroe lua, yaitu lage jangeun di miyueb nyoe :

Bungoeng Jeumpa Lirik + Cord
Courtesy Of Google

Nyanban hai rakan lon, meunan keuh canden jih bungoeng jeumpa sampoe ji peuget keu cae le ureung-ureung awai.
Bungoeng jeumpa nyoe nakeuh salah saboh bungoeng yang that meusyuhu di aceh, sampoe ji kaet-kaet deungen dara-dara yang na di aceh, bahwa dara-dara di aceh rupa jih canden nan ceudah that lage bungoe jeumpa,meunan keuh asoe dari jangeun yang meujudul bungoeng jeumpa.

Hingga jinoe pun kana tarian jih, yaitu tarian bungoeng jeumpa,yang biasa jih bak acara-acara di aceh.

 Tarian Bungoeng Jeumpa
Courtesy Of Google

Bungoeng jeumpa nyoe nakeuh bungoeng yang bak jih jitimoh deungen panyang  antara 3 sampoe 6m bak ubeut dan bak yang ka tuha sampoe 25m deungen meumacam-macam warna lage :

  • Jeumpa Kuneng
  • Jeumpa Puteh 
Jeumpa Kuneng
Courtesy Of Google  

Jeumpa Puteh
Courtesy Of Google
 

Boh dari bungoeng jeumpa nyoe biasa jih jeut ji olah keu minyeuk preet, dan menurot haba bungoeng jeumpa nyoe asai jih dari India, yang kemudian trok keunoe u Aceh karna di Aceh jameun mesyuhu that deungen meniaga, lee that ureung dari nanggroe-nanggroe gop trok keunoe teuka.

Jeumpa Kuneng Dan Boh
Courtesy Of Google