Calempong | Musik Aceh

Assalamualaikum wr.wb

Syukur ngen pujoe mandum meuwoe keu po Allah, Seulaweut sajan mandum keu Rasulullah.

Nibak kesempatan nyoè admin meunèuk tuleh bacut tentang salah saboh peukakah musik yang na di Acèhyaitu :

CALEMPONG

Calempong nakeuh salah saboeh peukakah musik tradisional yang na di daerah Acèh Tamiang, yang ipèumèu èn léé urèung inoèng khusus jih anéuk dara. teuma öh lhéuh nyan jinö cuma urèung inoèng mantèung yang jèut pèumèu èn peukakah musik nyoè dèungen sèumpurna.
Calempong
Courtesy Of Google

Nyoekeuh yang jèut admin peusampoé nibak kesempatan kali nyoé, dan admin harap apabila na informasi lèubeh atawa sumber yang jeut tapèucaya jeut néuhubungi admin via E-MAIL supaya jeut admin samboéng kèulai tulesan nyoè, sèumoga dèungèn na partisipasi dari pada pembaca sekalian bèujèut keuh gèutanyoe sama-sama rōeh bak tapeukeumbang budaya nanggroé.

Bangsi Alas

Assalamualaikum wr.wb

Seugala jeuneh pujoe mandum meuwoe kepada Allah,Seulaweut sajan mandum keu Rasulullah. 

Nibak ureo yang meubahgia nyoe admin meuneuk sambong tulesan tentang peukakah musik yang na di aceh, nan peukakah musik nyoe nakeuh :

BANGSI ALAS 

Bangsi Alas
Courtesy Of Google
Bangsi alas nakeuh salah saboh peukakah musik tradisional yang na di Aceh, khusus jih bak daerah Alas kabupaten Aceh Tenggara.
Seujarah geupeuget bangsi nyoe menuroet haba brat that meu peungaroeh deungen hai-hai yang meubee mistik, yaitu wate na ureung meninggai bak saboh gampoeng, disinan keuh bangsi geupeuget dan geupeuhanyeut dalam krueng, meukeusuet hate mangat jiteumei le aneuk miet yang kayem meuen bak krueng, dan o’eh lheuh geupeuhanyeut dalam krueng ureung yang peuget bangsi nyan geuseutet ho jibame bangsi, dan meunyoe kajiteumei lee aneuk miet teuma bangsi nyan geu cok pulang le ureung peuget nyan, disinan keuh asai muasai bangsi yang ji meusu lagak.

 Bangsi Alas
Courtesy Of Google

Bangsi nyoe nakeuh salah saboh peukakah musik yang cara meuen jih deungen cara ji yub, cara peumeuen jih karab sama lage seurune kalee.
Bangsi nyoe pun kajisahkan sebagoe salah saboh peukakah musik tradisinal yang asai jih dari aceh, bahkan referensi jih pun jinoe kana bak wikipedia, bagi rakan-rakan lon yang kureung jeulah deungen tulesan nyoe, jeut neubaca di :

Rapai

Assalamualaikum wr.wb

Seugala jeuneh pujoe mandum meuwoe keu po Allah, Seulaweut sajan mandum keu Rasulullah

Nibak kesempatan nyoe admin meuneuk sambong lom nyoe, mengigat bak kesempatan yang ka ulikot admin hana habeh meutuleh lom tentang peukakah-peukakah musik yang na di aceh. nibak kali nyoe peukakah musik yang akan admin tuleh yaitu :

RAPAI

Rapai nakeuh salah saboh peukakah musik yang na di aceh yang geupeuget dari kulet leumoe atawa kulet kameng yang ka geupeuthoe.
Rapai
Courtesy Of Google

Seujarah rapai nyoe asai jih dari nangroe jioeh yaitu di nangroe iraq (bahgdad) yang geuba lee sidroe ureungg wate geusiar agama islam, nan ureung nyan adalah Syeh Rapi, cara meuen jih yaitu deungen cara geupeh untuk mangat jiteubiet su jih..
Rapai biasajih geupeuguna sebagoe alat peuireng tarian, teuman nibak tulesan kali nyoe admin hana meutuleh tentang tarian-tarian yang jeut ji ireng deungen rapai, dan admin meujanji nibak kesempatan ukeu nyoe akan admin tuleh lom tentang jeuneh-jeuneh tarian yang jeut ji ireng le rapai.

Bereuguh

Assalamualaikum wr.wb

Seugala jeuneuh pujoe mandum meuwoe keu po Allah, Seulaweut sajan mandum keu Rasulullah.

Pue haba rakan loen sekalian, pue haba syedara loen banmandum, nibak wate nyoe admin meuneuk tuleh tentang saboh peukakah yub yang na di aceh, yang geupeuget dari lungke keubeu, nan peukakah nyoe adalah :

BEUREUGUH

Bereuh nyoe nakeuh peukakah yang wate geupeuguna jih deungen cara geuyub, lage bak gamba di muyueb nyoe :
Yub Bereuguh
Courtesy Of Google

Untuk leubeh jeulah lom jeut neubaca bak wikipedia di miyueb nyoe :

Tambo

Assalamualaikum wr.wb

Seugala jeuneh pujoe mandum meuwoe keu poe Allah, Seulaweut sajan mandum keu Rasulullah.

Nibak pertemuan kali nyoe admin meuneuk peuleungkap lom tulesan tentang peukakah yang na di aceh, yang nibak kali nyoe admin tuleh tentang salah saboh peukakah yang karap sama deungen geundrang dan rapai, yaitu :

TAMBO

Tambo
Courtesy Of Google

Tambo nakeuh salah saboh peukakah yang geupeuget dari bahan-bahan di miyueb nyoe, yaitu :
  •  Bak Iboeh
  • Kulet Leumoe
  • Awee
Bak jameun uroejeh tambo nyoe geu peuget sebagoe peukakah yang fungsi jih untuk geupeusapat ureung atawa geumeuhei ureung untuk jak u meunasah atawa mesjid,biasa jih ureung awai geupeh tamboe wate ka troek wate seumayang dan wate na ureung meninggai atawa wate na rapat.
Meuireung ngen perkembangan jameun lage jinoe, fungsi dari tambo nyoe semaken gadoeh bahkan ka hana tarumpok le karna ka ji peualeh fungsi deungen alat peukreuh su atawa mikrophone.
Harapan admin deungen na tulesan nyoe beujeut keuh keu saboh ilme baroe sebagoe pengigat meunyoe uroe jeh lagenyoe keuh yang geupeuget le ureung aceh yoeh masa awai.

Geundrang

Assalamualaikum wr.wb

Seugala jeuneh pujoe mandum meuwoe keu poe Allah, seulaweut sajan mandum keu Rasulullah

Bak kesempatan kali nyoe admin meuneuk sambong tulesan yang ka pernah admin tuleh baroesa tentang peukakah musik di aceh. teuman bak kesempatanyoe yang akan admin tuleh lom yaitu tentang saboh peukakah musik yang karap hi deungen rapai, nan peukakah nyoe adalah :

GEUNDRANG

Geundrang nakeuh saboh peukakah musik cit yang karap hi deungen rapai, bentuk dan fungsi jih manteng karab sama lage rapa’i, yaitu sebagoe peukakah yang geu peh untuk peuireng tarian atawa kesenian laen.
Geundrang
Courtesy Of Google

Nyoe keuh yang jeut Admin peusampoe, jaroe dua blah di ateuh ulee, meu’ah loen lake wahee syedara.

Canang

Assalamualaikum wr.wb

Seugala jeuneh pujoe mandum meuwoe keu poe Allah, seulaweut sajan mandum keu Rasulullah.

Nibak kesempatan nyoe admin meuneuk peuleungkap tulesan tentang peukakah musik yang kalheuh admin tuleh bak kesempatan ulikot baroesa, yang nibak kali nyoe admin meuneuk tuleh tentang :

CANANG

Canang nakeuh salah saboh peukakah musik yang geupeumeuen jih dengen cara geupeh atawa geukhoek sampoe jiteubiet su meuteung-teung. canang nyoe karap sama lage (gong) meunyoe di jawa.

CANANG
Courtesy Of Google
Canang nyoe na padin-padin boh nan meunyoe di aceh, di antara jih :
  • Di Aceh Ji Kheun Canang Trieng
  • Di Gayoe Ji Kheun Teganing
  • Di Aceh Tamiang Ji Kheun Kecapi
  • Di Alas Ji Kheun Kcapi Olah
Sep oh noe dile tulesan kali nyoe tentang peukakah musik di Aceh, yaitu canang, laen kali akan Admin sambong lom leubeh panyang lom.

Seurune Kale

Assalamualaikum wr.wb

Seugala jeuneuh pujoe mandum meuwoe keu poe Allah, Seulaweut sajan mandum keu Rasulullah.

Nibak wate nyoe admin meuneuk peuleungkap tulesan tentang peukakah musik yang na di aceh, yang ka seumpat admin tuleh bak kesempatan yang ka u likot. teuman nibak kesempatan nyoe admin meuneuk sambong lom, yaitu tentang peukakah musik cit yang geuboh nan deungen :

SEURUNE KALEE

Seurune kalee nakeuh salah saboh peukakah musik yang geupeumeuen deungen geu yub. lage gamba di miyueb :
Serune kale jiapet le 2 boh kata yaitu, seurune (peukakah yub tradisional aceh) dan kelee (nan gampong yang na di laweung kabupaten pidie) dan geugaboeng sehingga jeut keu 2 boh kata yaitu : seurune kalee yang artijih peukakah yub yang asai jih dari pidie.
Seurune kalee geupeuget dari bak kayee yang geureundam kira-kira 3 buleun dan geutarah geupeutinggai hate jih manteng, baroe lheuh nyan geu boe (bor) dan geupeu lubang 7 boh yang kira-kira diamete jih 2cm,6 boh lubang di wateuh dan 1 lubang di miyueb.
Courtesy Of Google

Hanya oh noe yang jeut Admin peusampoe, kali ukeu akan Admin sambong lom dan rayeuk that harapan dari Admin supaya tulesan nyoe beuteusampoe luah dan jeut keu ilme baroe bagi rakan-rakan aneuk aceh sekalian.

Arbab | Wikipedia Peukakah Musik Aceh

Assalamualaikum wr.wb

Seugala jeuneh pujoë mandum meuwoë keu poë  Allah, seulaweut sajan mandum keu Rasulullah.

Nibak wate yang singkat nyoe, admin meuneuk tuleh bacut tentang kesenian yang na di aceh nyoe, yaitu tentang peukakah musik yang mungken geutanyoe sebagoe aneuk aceh kata peutinggai nan, Mungken deungen zameun yang ka seumaken maju nyoe, tanyoe sebagoe generasi penerus aceh ka hantatepue le nan-nan peukakah-peukakah yang kayem geupeumeuen lee ureung awai bak acara-acara kesenian di aceh.
Teuman puè-puè manteng nan jih ??
Admin mulai deungen :

 ARBAB

ARBAB
Courtesy Of Google
Arbab nakeuh salah saboh peukakah musik yang karab hi deungen buila, yang cara peumeuen jih sama lage biula cit, peukakah musik arbab nyoe meususoen dari padum-padum boh bahan yaitu :
  • Bruèk U
  • Kulét Kamèng Thoè
  • Kaye
  • Awèè Seubagoè Lapek Dèungèung
Fungsi arbab nyoè nakeuh sebagoè salah saboh peukakah musik yang geupeumeuen sebagoe irengan lagu-lagu tradisional,atawa hikayat-hikayat jameun, arbab nyoe geupeumeuen meuireng deungen rapai, canang, dan laen-laen dum.

Courtesy Of Google

Sep ôh noè dile tulesan kali nyoe,nibak kesempatan ukeu Admin sambog lom yang leubeh panyang loem.