Apam

Assalamualaikum wr.wb

Seugala jeuneh pujoe mandum meuwoe kepada Allah,Seulaweut sajan mandum keu Rasulullah.

Nibak uroenyoe admin meuneuk peuturi lom saboh teuk makanan yang karap hana jituri le aneuk muda lawet nyoe, makanan nyan nan jih :

“APAM”

Apam nakeuh makanan yang kayem geuhidang nibak khanduri jrat di aceh atawa khanduri-khanduri laen. Nyompat admin peulumah gamba apam :

Apam
Cara peuget jih nakeuh geutet ateuh Neuleuk lage gamba di muyub nyoe :
Neuleuk
Apam paleng mangat meunyoe geuhidang deungen kuah tuhe lage gamba di miyueb nyoe :
Apam Meukuah
Nyanban hai rakan loen mandum, aceh nyoe kaya that padahai, kaya dengen makanan,kaya dengen tradisi dan kaya dalam mandum-mandum bideung.
Sep oeh noe dile nibak uronyoe, laen kali admin sambong lom beh.

Asam

Assalamualaikum wr.wb

Seugala jeuneh pujoe mandum meuwoe kepada Allah,Seulaweut sajan mandum keu Rasulullah.

Kali nyoe admin meuneuk peugah tentang asam yang na di aceh, yang meuleupah mangat yaitu :

“ASAM”

Asam di aceh na padin-padin macam, lage :
  • Asam Sabee (Udeung Haloh Thoe)
  • Asam Aneuk Kiroe
  • Asam Pliek
  • Asam Udeung
  • Asam Boh Cawieng
Nyompat admin peulumah asam sabe :

Asam Sabee
Asam sabe nakeuh asam yang geupeuget deungen udeung haloh thoe atawa deungen yang kayem geukheun deungen sabee.
Nyompat admin peuleumah asam udeung :
Asam Udeung
Asam udeung nakeuh asam yang geuboh udeung keu teumen jih. lage gamba di wateuh. nyompat admin peulumah saboh teuh asam yang paleng special lom yaitu :
Asam Boh Cawieng
Asam boh cawieng na keuh asam yang geupeh deungen boh cawieng,lage gamba di ateuh nyoe.
Nyan ban hai rakan lon mandum, aceh memang kaya that deungen peunajih jih. jadi tanyoe sebagoe aneuh aceh mesti ta kembangkan dan wajeb ta peuturi nibak generasi penerus nyoe, supaya budaya aceh han gadeh.
Wassalamualaikum wr.wb

Keumamah

Assalamualaikum wr.wb

Seugala jeuneh pujoe mandum meuwoe kepada Allah,Seulaweut sajan mandum keu Rasulullah.

Pue haba rakan lon mandum ?
Seumoga manteng lam rahmat dan hidayah Allah swt amin
Nibak kali nyoe admin meuneuk peugah tentang makanan aceh yang ka jareung tapajoh bahkan ka kureung ji turi le aneuk aceh bak jameun jinoe, makanan nyan nan jih :

“KEUMAMAH”

Keumamah nakeuh makanan yang kayem geupajoh le ureung aceh yoh masa prang belanda jameun. yang geupeuget dari eungkot yang ka geu peuthoe lage :
  • Eungkot Kareng
  • Eungkot Sure
  • Eungkot Tuna dan
  • Eungkot Masen laen
Nyan hai gamba keumamah :
Keumamah
Soe yang hana hawa rakan euk ??
Sep oeh noe dile peuneugah bak uroe nyoe, kali laen admin sambong lom.

Nagasari

Assalamualaikum wr.wb

Seugala jeuneh pujoe mandum meuwoe kepada Allah,Seulaweut sajan mandum keu Rasulullah.

Kali nyoe admin meuneuk bahas tentang naga yang na di aceh. nan jih :

“NAGASARI”

Nyompat hai gamba jih :

Nagasari
Courtesy Of Google
Nagasari nyan adalah saboh peunajoh aceh masa uroe jeh. Yang gepueuget ngen teupong breuh bit dan geuramah ngen santan. lheuh geu ramah nyan baroe geu wet dan baroe geuboh asoe di dalam. 
Na 2 macam asoe yang kayem geuboh di dalam nagasari yaitu :

  • Nagasari Asoe Pisang
  • Nagasari Asoe Boh Panah

Nagasari Pisang
Nagasari Boh Panah

Nyan hai meuleupah mangat laju, menyoe hana neupateh lage admin peugah, aci neutes pajoh sige, lheuh nyan admin preh email dari rakan-rakan mandum. Admin neuk kalen bukti pue mangat pue hana.
Sekian dan terimoeng geunaseh.

Kuah Tuhe Vs Bumpet

Assalamualaikum wr.wb

Seugala jeuneh pujoe mandum meuwoe kepada Allah,Seulaweut sajan mandum keu Rasulullah.

Pue haba rakan-rakan meutuah mandum, semoga sabe dalam rahmad dan lindongan Allah swt . amin
Nibak kesempatan nyoe, admin meuneuk peugah tentang makanan yang na di aceh.
Makanan yang meuleupah mangat nyum, pue lom geuhidang yoeh wate ujeun-ujeun, yaitu :

” KUAH TUHE “


Kuah tuhe biasa jih geuhidang deungen bulukat yang geu balot dengen oen pisang lheuh nyan geu seuop, bulukat nyan nan jih adalah :

” BUMPET “


Kuah tuhe menyoe ka meusapat deungen bumpet akan jeut lagenyoe  :


Nyanban hai rakan, meu rijeuh-rijeuh lheuh ie babah teuh, pue lom  na aneuk panah nyan sineuk, pokok jih bumpet ngen kuah tuhe hana dua.

Dugoèk

Assalamualaikum wr.wb

Seugala jeuneh pujoe mandum meuwoe kepada Allah,Seulaweut sajan mandum keu Rasulullah.

Nibak kesempatan kali nyo admin meuneuk peugah lom tentang saboh teuk makanan khas aceh yang rasa jih meuleupah mangat, makanan nyoe manteng saboh keluarga dengen timphan, cuma rasa dan bentuk jih yang hana sama, meunyoe dugoek bentuk jih agak rayeuk dari pada timphan.
Na padum-padum macam dugoek di antara jih :

  • Dugoek beureune (sagee)
  • Dugoek U
  • Dugoek kleu’ (‘pak’pak)
Meunyoe na yang hana tuoeh kiban dugoek, nyompat admin peuleumah gamba jih :
   Dugoek Beureunee
Coutresy Of Google
                                               
Meunyoe dugoek U lagenyoe :

                 Dugoek U

Nyan ban hai rakan meutuah, teuma na saboh teuk makanan yang jeuneh jih karap sa deungen dugoek,cuman beda jih hana geulawek deungen U, atawa dalam bahasa Aceh geukheun deungen Eungkhui.
Teuma meunyoe na umu panyang akan Admin peujeulah lom,kiban yang geukheun deungen Eungkhiu, jinoe Admin meupreh geupeuget di rumoh dile, dan akan Admin cok gamba dan Admin peuleumah, supaya mangat mudah dalam penulesan entek, akhe kalam Admin ucap terimoeng geunaseh.

Boh Rōm-Rōm (Boh Meucroet)

Assalamualaikum wr.wb

Saleum sèujahtera kèu geutanyoè mandum, Seugala pujoè mandum meuwoè kèu pô Allah,Seulawèut sajan bandum keu Rasulullah.

Nyan hai rakan, na saboèh teuk makanan di Acèh yang mèulupah mangat, pue loèm 
gèuhidang wate buleun puasa. nan jih :

“Boh Rōm-Rōm”

Boh rōm-rōm nakèuh makanan yang gèupeuget dari tepoèng yang gèu pèu bulat-bulat lheèuh nyan gèu sèuop dan gèuboèh gula itam di dalam jih,lheuh nyan baro gèulabo dèungen U.
Nyompat hai gamba jih :

Boh Rōm-Rōm
Courtesy Of Google


Méunyoè hawa yang meucroèt nyompat Admin peulumah lom gamba jih :

Boh Rōm-Rōm
Courtesy Of Google

                                                           
Kasep ôh noé dile pajan-pajan Admin sambong loèm, néuméulake Admin beu panyang umu dan bèusehat sabèè.

Wassalamualaikum wr.wb

Timphan Baloèn

Assalamualaikum wr.wb

Saleum sèujahtera kèu geutanyoè mandum, Seugala pujoè mandum meuwoè kèu pô Allah,Seulawèut sajan bandum keu Rasulullah.

Nibak tulesan yang ka Admin tuleh awai, na Admin tuleh tentang TIMPHAN
tapi kali nyoè Admin neuk peuturi lom saboh teuk makanan aceh yaitu “Timphan Baloèn
timphan balon nyoe manteng roeh dalam keluarga timphan cit, karna awai dasar kata 
timphan balon yaitu  “meubaloèt” .cuma timphan baloèn cuma na asoè U, hana yang asoè kaya.

Nyompat gamba jih admin peulumah :

Timphan Baloèn
Courtesy Of Google   
Timphan Baloèn
Courtesy Of Google   
Nyan hai timphan baloèn, meubaloèn lheuh laju meunan, hahaha
Akhe kata Admin neuk jak woe. neuk mita timphan baloèn,kahawa timphan baloèn nyoè.

Timphan

Assalamualaikum wr.wb

Saleum sèujahtera kèu geutanyoè mandum, Seugala pujoè mandum meuwoè kèu pô Allah,Seulawèut sajan bandum keu Rasulullah.

Nibak kali nyoe Admin meuneuk peugah tentang saboh makanan yang ka jeut keu tradisi dalam peunyambotan jame di Acèh khusus jih watè uroè raya  yaitu ” TIMPHAN ” . 
Timphan di Acèh na dua rasa :

  1. Rasa Asoè Kaya
  2. Rasa U
Timphan Asoè U
Courtesy Of Google   
                               
Timphan Asoè Kaya
Courtesy Of Google

                                                       
Nyan ban hai rakan meutuah, meunyoe na hawa neuk pajoh timphan neujak laju keunoe u Acèh tapi khusus wate uroè raya beh, mangat meutimphan lheuh. ha ha ha