Category: Tarian Trdisional Aceh

Ranup Lam Puan | Pemulia Jamee

Assalamualaikum wr.wb

Syukur ngen pujoè mandum meuwoè keu sidroè Allah, Seulawèut sajan mandum kèu Rasulullah

Nibak wate nyoè admin meuneuk tuleh bacut tentang kesenian yang cukop meucyuhu lagi meugah lagi ji thei u nanggroè lua, kesenian nyan berupa tarian yang nan tarian nyan nakeuh

TARIAN RANUP LAM PUAN 

Courtesy Of Google

Ranub lam puan nyoe nakeuh saboh tarian yang asai jih dari Acèh tepat jih Banda Acèh, Acèh Besar. tarian ranub lampuan nyoe menuroèt haba awai mula geu peuturi le ureung yang nan goèpnyan : 

YUSLIZAR (1959)


Ranub lampuan nakeuh salah saboh tarian yang geu khususkan untuk peunyambotan jamee di Aceh, jame ji samboet deungen saboh tarian yang ji peutaba deungen ranup yang ji boeh dalam puan atawa tempat ranub, dan jeut keuh keu nan dari tarian nyoe, yaitu tarian ranup lam puan.
 Tari Ranub Lam Puan
Courtesy Of Google
Ranub lampuan nyoe terdiri dari 2 boh arti, yaitu :
  • Ranub (makanan khas aceh)
  • Puan (tempat boeh ranub) 

Tarian ranub lampuan nyoe na arti droe sebagoe tarian lam penyambotan jame di aceh, lage :

  • Gerakan Saleum Seumah (artijih gerakan peumulia jamee)
  • Gerakan Pet Ranub Lheuh nyan Geuwiet Tangke (artijih gerakan peu utama jamee)
  • Gerakan Peugleh Ranub (artijih gerakan geu hidang yang get keu jamee)
  • Gerakan Geubri Gambe Dan Pineung (artijih gerakan pemulia jamee deungen makanan)

Meunan keuh bacut gambaran geu peumulia jamee yang ka geu peurunoe lee ureung Aceh awai,yaitu menyoe troeh jamee geu utamakan terleubeh dile atawa (geu peumulia).

Ranub Lam Puan Kéu Peumulya Jamèè
Courtesy Of Google

Nyompat bacut admin peugah tentang sijarah ranup lampuan yang teusoem seulama nyoe,yaitu :

  1. Soe nan pencipta musik dari tarian ranub lampuan nyoe ??

Jawaban jih adalah :  T.Djohan (almarhum)


Bagi rakan yang meu neuk baca deungen bahsa indonesia jeut neu kalen bak wikipedia atawa bak link di miyueb nyoe :


Atawa meuneuk nonton vidio ranup lampuan jeut neu download nibak link di miyueb nyoe :

 

Rapa’i Geleng | Peukakah Ngen Seni

Assalamualaikum wr.wb

Syukur dan pujoe mandum meuwoe keu po Allah, Seulaweut sajan mandum keu Rasulullah

Nibak kesempatan nyoe admin meu neuk tuleh bacut tentang kesenian Aceh yang manteng na sampoe inohat yang geukeubah lee ureung awai, kesenian nyoe nan jih nakeuh :

RAPAI GELENG

Rapa’i geleng nyoe nakeuh saboh kesenian yang asai jih dari Aceh,tepat jih daerah Manggeng yang jinoe ka itameng dalam kawasan Aceh Barat Daya (Abdya). menurot haba rapa’i geleng nyoe phon that ikeumbangkan bak thon 1965 di bineh pante baroh Aceh, yang wate masa nyan rapa’i geleng ji peumeuen  le aneuk dayah bak wate luweung sebagoe peurantaraann lam dakwah :

Rapai Geleng
Courtesy Of Google

Jeuneh tarian nyoe ipeu meukeusuet khusus keu ureung agam sagai, yang biasa jih meujumlah 12 droe, cae (syair) jih biasa geucaritra tentang kiban hudep lam masyarakat,agama bahkan kiban meu syedara yang get.
Rapa’i geleng nyoe nakeuh salah saboh kesenian dari rapa’i. sidangkan rapai nyan nakeuh salah saboh jeuneh peukakah musik tradisional Aceh. baca tentang  rapai di :

SINOE

    Rapa’i geleng nyoe na padin-padin boh bahgian jih, yaitu :

    1. Saleum
    2. Kisah
    3. Lani (Peunutop)

    Rapa’i geleng nyoe nakeuh saboh gerakan yang geu khususkan ngen peh rapai sebagoe alat tarian jih. yang tingkatan irama jih phon bacut-bacut, hingga trep keu trep tajam-tajam hingga ule-ule meu anggok-anggok dan akhe dari rapa’i geleng nyoe nakeuh geurakan pioh yang artijih geu peuhabeh tarian nyoe.

    Courtesy Of Google

    Bagi rakan lon yang meu neuk baca deungen bahasa indonesia nyompat admin jok link jih atawa jeut neu kunjongi bak wikipedia. atawa menyoe neuk download nyoempat admin jok link tarian rapa’i geleng.

     

    Tari Seudati | Lam Sijarah Aceh

    Assalamualaikum wr.wb

    Syukur dan pujoe mandum meuwoe keu po Allah, Seulaweut sajan mandum keu Rasulullah

    Nibak wate yang singkat nyoe admin meu-neuk tuleh bacut tentang kesenian yang asai jih dari Aceh,yang ka meusyuhu hingga troeh u nanggroe lua, salah saboh jih lage :

    TARI SEUDATI

    Tari seudati nyoe nakeuh salah saboh dari sekian jai  tarian yang asai jih dari provinsi Aceh, seudati asai kata jih dari syahadat yang meu arti kesaksian (ek saksi) bahwa hana tuhan yang patot ta seumbah melaikan Allah, dan Nabi Muhammad Rasul Allah.

     Tari Seudati
    Courtesy Of Google

    Tari seudati nyoe nakeuh tarian yang paleng tuha umu jih di Aceh, karna nibak jameun uroe jeh tarian seudati nyoe geu peuguna le ureung awai yoeh masa penjajah sebagoe penyemangat prang, uleh karna nyan tarian nyoe seb brat ji larang yoeh masa belanda jameun. tarian seudati nyoe pih ji seubot deungen :

    TRIBAL WAR DANCE (TARI PRANG)

    Seudati Jameun
    Courtesy Of Google
    Meunuroet haba, asai tari seudati nyoe awai phon di daerah Pidie dan seubagian daerah di Aceh Utara. yang geuba le pemuka agama pidie sebagoe alat penyebaran agama islam dalam bentuk kesenian, meu ireng deungen perkembangan ajaran islam trok keuh tari seudati nyoe keudeh u Aceh Timu, bahkan sampoean jinoe di Aceh Timu keuh yang yang jeut keu awai phon perkembangan seudati nyoe.

    Courtesy Of Google 

    Lam peunampelan jih, seudati nyoe ji apet le sidroe syeh, yang jibantu le waki syeh yang geupeunan deungen (apet syeh). sirta ibantu le dua droe ureung meucae yang jiboh nan deungen (aneuk syahi). untuk leubeh jeulah lom admin peu uroet :

    • 8 Droe Peunari 
    • 2 Droe Aneuk Syahi Seubagoe Peunyayi
    • 1 Droe Apet Syeh
    • 2 Droe Apet wie
    • 1 Droe Apet Bak
    • 2 Droe Peunari Laen
    Yang jumlah jih mandum-mandum 8 droe. nakeuh peukakah-peukakah tari seudati, di antara jih :
    • Atra top ule

    • Rintcoeng

    • Ija sampoeh Jaroe

    Nan geurakan lam tari seudati, di antara jih :

    • Kleung Pho
    • Puta Taloe
    • Bintang Buleun

    Bagian-bagian lam tari seudati, di antara jih :

    • Saleum (untuk pembuka tari) 
    • Likok (gerakan oeh lheuh saleum)
    • Saman ( saleum deungen lagu,bagian oeh lheuh likok)
    • Kisah (cae agama)
    • Nasib (panton)
    • Lanie (gerakan tari sebagoe hiburan)

    Meunan keuh yang jeut admin tuleh nibak kesempatan kali nyoe, bagi pembaca yang hanjeut neu-peumuphom deungen bahasa aceh, jeut neu baca lam bahasa indonesia bak link wikipedia yang admin jok nyoe :

    Tari Ratoeh Duek | Rateb Duek Aceh

    Assalamualaikum wr.wb

    Seugala jeuneh pujo emandum meuwoe keu po Allah, Seulaweut sajan mandum keu Rasulullah

    Nibak kesempatan kali nyoe admin meuneuk tuleh bacut tentang kesenian daerah yang asai jih dari naggroe Aceh pusaka kaya, yang nanggroe jih ubeut tapi hase jih meulimpah. kesenian yang admin meuneuk tuleh yaitu tentang tarian tradisional Aceh, yaitu :

    TARI RATOEH DUEK

    Tari ratoeh duek nyoe nakeuh salah saboh kesenian yang asai jih dari Aceh, bacut admin peugat tentang tari ratoeh duek nyoe, tari ratoeh duek nyoe seureng salah  ji peumuphom le ureung lingka yang hana tuoh tentang tarian aceh, karna di jakarta tarian nyoe jipeugah tari saman, mungken karna gerakan jih yang karap sama lage saman, cuman beda jih meunyoe tari saman ji peumeuen le ureung agam, tari ratoeh duek nyoe ji peumeuen le ureung inoeng.

     
    Tari Ratoeh Duek
    Courtesy Of Google

    Ji boeh na  ratoeh duek karna tarian nyoe jipeumeuen sira duek, dan na padin-padin boh ciri dari tarian nyoe, yaitu :
    • Ji peumeuen le ureung inoeng
    • Ji ireng deungen rapa’i
    • Cae jih dalam bahasa Aceh
    Tarian ratoeh duek nyoe asai kata jih yaitu ratoeh yang  dalam bahasa arab artijih rateb, dan duek yang arti jih geduek, jadi tarian ratoeh duek nyoe nakeuh saboh tarian yang ji peu meuen sira geu duek, yang asoe jih tentang pujoe keu Allah dan Seulaweut keu Nabi.

    Dalam tari ratoeh duek nyoe na 11 dro atawa leubeh  ureung inoeng yang jeut keu peunari, dan na padin-padin droe laen yang jeut keu syeh dan yang peh rapa’i.

     Syeh Ratoeh Duek
    APU Indonesian Week 2015, Photos by: Izza Hafiz Hilmi
    Courtesy Of Google

    Lam tari ratoeh duek nyoe na padin-padin boh unsur yang ji peuturi yaitu :
    • Seumangat Ureung Aceh (yang tamselan jih dari gerakan yang tajam-tajam)
    • Kekompakan (yang tamselan jih dari gerakan yang meusigoe-sigoe)
    • Harmonis  (yang tamselan jih dari rumeh senyuman awak peunari)
    Bagi rakan-rakan yang meuneuk baca deungen bahsa indonesia, nyompat admin joek link wikipedia jih :

    Tarek Pukat | Aceh Lam Seni

    Assalamualaikum wr.wb 

    Seugala jeuneh pujoe mandum meuwoe keu po Allah, Seulaweut sajan mandum keu Rasulullah

    Nibak kesempatan nyoe admin meuneuk sambong teunuleh tentang kesenian tradisional yang na di Aceh, yang kalheuh seumpat Admin tuleh nibak wate yang ka u likoet, teuma nibak kesempatan kali nyoe admin akan cie cuba tuleh lom yaitu tentang kesenian yang dalam bentuk tarian,yang nan tarian nyoe nakeuh :

    TAREK PUKAT

    Tarian tarek pukat nyoe nakeuh salah saboh dari sekian jai tarian yang asai jih dari Aceh, yaitu Aceh Besar, tarian tarek pukat nyoe geucaritra tentang kiban keuh buet ureung jak meulaot.
     Courtesy Of Google 

    Tarian tarek pukat asai jih dari 2 kata, yaitu :
    • Tarek
    • Pukat

    Yang artijih  tarek nyareng (jareng).

    Tari Tarek Pukat
    Courtesy Of Google


    Bagi rakan-rakan yang hana neutuoh kiban tarian tarek pukat nyoe,jeut neu download nibak tulesan “Download Di Sinoe” di miyueb nyoe :

    Tari Ula-Ula Lembing

    Assalamualaikum wr.wb

    Seugala jeuneh pujoe mandum meuwoe keu po Allah, Seulaweut sajan mandum keu Rasulullah

    Nibak wate yang singat nyoe admin meuneuk peuturi  bacut tentang kesenian yang na di Aceh, kesenian yang akan Admin tuleh kali nyoe meukaet dengen tarian tradisional,adapun tarian tradisional nyoe nakeuh salah saboh tarian yang asai jih dari Aceh,nan tarian nyoe yaitu :

    TARI ULA-ULA LEMBING 

    Tari ula ula lembing nyoe nakeuh saboh kesenian yang asai jih dari Aceh Tamiang,yang jumlah peunarijih 12 droe sagai. 
    Tari Ula Ula Lembing
    Courtesy Of Google

    Tarian nyoe ji peumeuen dengen gaya meuputa-puta di ateuh panggong atawa nibak sabôh tempat, meuputa-puta atawa meu ulang-ulang nyoe keuh yang mungken jeut keu ciri khas tarian nyoe.dan . mungken dari sinoe keuh teuka phon nan ula ula lembing.
    Mengenai paken ji kheun tari ula-ula lembing sicara lengkap admin hana get muphom lom,dan admin harap nibak pembaca blog nyoe apabila na informasi atawa sijarah tarian nyoe, jeut neu hubungi admin via e-mail :
    Atawa menyoe na neuk kalen,nyompat admin bagi link download vidio tarian nyoe, cara download jih jeut neu klick tulesan “download di sinoe” di miyueb nyoe :

    Nyompat Admin jôk email :

    AGEUTANYOE@GMAIL.COM

    Didong | Seni Lam Tanoh Gayo

    Assalamualaikum wr.wb

    Seugala jeuneuh pujoe mandum meuwoe keu po Allah, Seulaweut sajan mandum keu Rasulullah 

    Nibak kesempatan nyoe admin meuneuk tuleh saboh teuk tentang kesenian Aceh yang ka mendunia, lewat :

     TARI DIDONG

    Didong nakeuh saboh kesenian yang geupadu  antara padin-padin boh unsor, yaitu :
    • Unsor Tarian
    • Unsor Su (suara)

    • Unsor Sastra

    Didong nyoe nakeuh saboh kesenian yang asai jih dari tanoeh Gayoe yang geu peuturi phon bak jameun Reje lingge XIII, salah sidroe ureung yang meupeungaroeh that lam sijarah didong nyoe nakeuh Abdul Kadir Tuet, awai mula jih didong nyoe geupeuguna sebagoe penyebaran ajaran islam lam media syair (cae).

    Didong biasa jih ji tampelkan nibak uroe-uroe rayeuk islam, teuman meuireng berkeumbang hingga bak acara-acara adat, bak acara geupeudeung rumoh,bak watepanen raya, bak wate geusambot jame dan laen-laen dum.
     Didong
    Courtesy Of Google
    Didong nyoe jipeumeuen le ureung agam atawa ureung ineng, yang meukelompok-kelompok lage :
    • Kelompok Syeh (yang bak ulee) 
    • Penunung
    Peukakah yang jipeuguna bak didong nyoe antara laen lage :
    • Jaroe droe
    • Bantai
    Courtesy Of Google

    Bagi rakan loen yang meuneuk baca ngen bahsa indonesia tentang didong nyoe, jeut neu kalen bak wikipedia, atawa jeut neu kelen di miyueb nyoe :


    Tari Rateb Meuseukat

    Assalamualaikum wr.wb

    Seugala pujoe mandum meuwoe keu po Allah, Seulaweut sajan mandum keu Rasulullah.

    Nibak kesempatanyoe admin meuneuk tuleh bacut tentang tarian tradisional yang asai jih dari Aceh yang geuboh nan : 

    RATEB MEUSEUKAT 

    Rateb meuseukat nakeuh saboh tarian yang asai jih dari bahasa arab, yaitu: 
    • RATEB : yang artijih ibadat
    • MEUSEUKAT : asai kata seukat yang artijih iem 

    Meunurot sijarah rateb meuseukat nyoe awai mula phon dari Teungku Abdurrahim atawa Habib Seunagan yang asai jih dari Nagan Raya, sidangkan cae atawa rateb jih uleh Teungku Chik di Kala, yaitu sidroe ulama yang asai jih dari Seunagan cit,yang hudep bak abad XIX. sidangkan asoe dari cae jih meukisah tentang sanjongan dan pujoe keu po Allah dan Nabi, yang jipeumeuen le ureung inoeng deungen baje adat aceh, tarian nyoe brat that meukeumbang bak Meudang Ara Rumoh Baroe Kabupaten Aceh Barat Daya.

    Tari Rateb Meuseukat
    Courtesy Of Google

    Courtesy Of Google

    Awai mula jih tari rateb meuseukat nyoe ji peumeuen oeh lheuh beut atawa lheuh meurunoe ilme agama, yang sebenar jih jeut keu sebagoe media dakwah. teuman meuireung ngen perkembangan zameun, jinoe tari rateb nyoe ka jitampilkan lam meubagoe macam acara, lage acara lam nanggroe atawa lua nanggroe.
    Tarian rateb meuseukat nyoe seureung that salah jiboh arti le ureung lingka, karna jipeusama lage tari saman dari Gayo, padahai lee that perbedaan antara tari saman deungen tari rateb meuseukat nyoe,antara jih :

    • meunyoe saman ipeumeuen le ureung agam, hana ureung ineng,ken lage rateb meuseukat yang ipeumeuen le ureung ineng.
    • meunyoe saman bahasa jih bahasa Gayo, sidangkan rateb meuseukat bahasajih geupakek bahasa Aceh
    • saman hana ji ireng le peukakah musik, meunyoe rateb meuseukat ji ireng le rapai ngen geundrang

    Bagi rakan lon yang meuneuk baca leubeh lengkap jeut neu kunjungi wikipedia, karna ka na penjeulasan disinan tentang tari rateb meuseukat nyoe, nyan keuh jeut keu saboh bukti meunyoe aceh nyoe ka mendunia, nyompat admin jok link wikipedia jih, atau jeut neuk kalen di miyueb nyoe:

    Tari Saman | Gayo Lam Seni

    Assalamualaikum wr.wb

    Seugala jeuneh pujoe mandum meuwoe keu po Allah, Seulaweut sajan mandum keu Rasulullah

    Nibak kesempatan nyoe admin meuneuk peugah tentang saboh tarian  yang ka hana aseng le bak punyueng geutanyoe bangsa Aceh yaitu tarian :

    SAMAN

    Soe yang hana tepue tari saman, bahkan bak mata donya manteng saman nyoe ka ji akui melalui UNESCO sebagoe budaya takbenda warisan manusia, yang Cuma na di aceh. kiban rakan pue na bangga tanyoe sebagoe bangsa Aceh ??
    Uleh karna nyan mari keuh saban sare ta keumbangkan budaya geutanyoe, minimal tapeuturi keu geunerasi muda geutanyoe,meunyoe Aceh nyoe hayeu dan meugah that.

    Tari Saman
    Courtesy Of Google

    Seujarah tari saman nyoe awai mula jih geupeutampil diyueb meunasah lam acara-acara agama atawa molod nabi Muhammad Saw, teuma meuireng deungen perkembangan zameun tari saman nyoe ka jeut keu bentuk kesenian yang geutampelkan nibak meubagoe macam acara,boeh acara lam nanggroe atawa acara lua nanggroe.

    Nyan Hai Meukuprak Lheuh
    Courtesy Of Google
    Nibak wate ineuk mulai saman,terlebeh dile akan na tampel ureung tuha gampoeng atawa ketua adat yang meukeusud geunak bri nasehat-nasehat keu ureung nonton dan keu ureung meu-saman nyan.
    Awai mula saman nyoe tanda jih deungen saboh irengan su dari ureung meu-saman dan jilanjot deungen prok jaroe dan peh dada yang geupimpin le sidroe syeh.
    Sama lage tari guel cit, tari saman nyoe pih sep ji thei bak mata donya, meunyoe rakan neuk baca leubeh lengkat tentang tari saman nyoe, jeut neu baca :

    Tari Guel

    Assalamualaikum wr.wb

    Seugala jeuneh pujoe mandum meuwoe kepada Allah, Seulaweut sajan mandum keu Rasulullah

    Nibak kesempatan nyoe admin meuneuk tuleh bacut tentang tarian tradisional yang na di nanggroe Aceh yang tanyoe cintai nyoe, ragam budaya,meumacam-macam suku dan bahasa,serta meuribe jeuneh ke-unikan nyoe keuh yang peujeut Aceh nyoe indah dan ji thei bak mata donya.
    Ateuh dasar yoe keuh admin peubeuhe droe untuk menpeuget saboh blog yang admin cintai nyoe,maksud dan tujuan admin meuneuk peuturi keu banmandum rakan kiban  Aceh nyoe sebenarjih.

    Nibak kesempatan yang ka u likot admin kalheuh meu tuleh meumacam-macam bgoe, mulai dari boh kaye,peunajoh aceh,dan laen-laen mandum, teuman nibak kali nyoe admin meuneuk tuleh teuntang tari tradisional yang asai jih dari Aceh, yaitu :

    TARI GUEL

    Courtesy Of Google

    Tari guel nyoe nakeuh saboh tarian yang asai jih nibak suku gayo, guel lam bahsa gayo artijih peusom, guel nyoe nakeuh saboh tarian yang jeut keu saboh tradisi bak upacara adat, yang bentuk jih sebagoe perhatian keu alam. 
    Wate jipeumeuen guel nyoe na padin-padin boh bagian,bagian jih nakeuh :
    • Wate seumeumah
    • Wate dep
    • Wate ketibung
    • Wate cang panah
    Sidangkan grak jih na padin-padin boh grak, lage :
    • Saleum seumah (seumeumah)
    • Kepur nunguk
    • Sining lintah
    • Semer kaleng
    • Dah-papan
    Tari Guel
    Courtesy Of Google
    Nyan ban hai rakan tari guel nyoe sebagoe kekayaan Aceh dan kaji akui bak mata donya, meunyoe rakan neuk kalen bukti jih, nyompat admin peuleumah :

    Bagi rakan yang meuneuk kalen kiban tarian guel nyoe, nyompat na Admin bagi link download jih,jeut neudownload laju nibak tulesan di miyueb nyoe.