Meurunoe Bahasa Aceh | Point Rapa’i

Assalamualaikum wr.wb

Syukura ngen pujoè mandum meuwoè keu pô Allah, Seulawèut sajan mandum keu Rasulullah.

Nibak kesempatan nyoe admin meuneukci cuba boeh arti dari sekian postingan yang kalheuh admin publikasi nibak blog yang admin cintai nyoe, disinoe rayeuk that harapan bagi admin supaya jeut keu saboh ilme bagi geutanyoe supaya beu meutamah cinta geutanyoe keu bahasa Aceh.
BAHASA ACEH                                                                                                      
  1. Di Sinoe  
  2. Jeuneh
  3. Meubagoe
  4. Syeh 
  5. Rapa’i 
  6. Meubanja
  7. Caee
  8. Meu Macam-Macam Bagoe                                                                                                                           

BAHASA INDONESIA

  1. Di Sini
  2. Jenis
  3. Berbagai
  4. Orang yang melantunkan syair
  5. Alat musik tradisional Aceh
  6. Sejajar
  7. Syair
  8. Berbagai macam jenis
Kalen Chit Wikipedia Bahasa Aceh

Rapa’i Gerimpheng | Rapai Lagee

Assalamualaikum wr.wb 

Syukur dan pujoe mandum meuwoe keu po Allah, Seulaweut sajan mandum meuwoe keu Rasulullah.

Nibak kesempatan nyoe admin meuneuk tuleh bacut tentang kesenian yang asai jih dari daerah tempat tinggai admin yaitu, Aceh Utara. disinoe admin meuneuk tuleh tentang salah saboh jeuneh dari kesenian rapa’i, yaitu :

RAPAI GERIMPHENG DAN RAPA’I LAGEE

Rapa’i langge asai jih nakeuh dari gampoeng Kandang Kec.Muara Dua Lhokseumawe dan na cit yang dari Gampoeng Paya Bakoeng Kec.Aceh Utara. yang biasa jih peuduek nibak meubagoe macam acara lage acara adat, acara resmi pemerintah dan nibak acara uroe besar islam yang meusifeut sosial, arti jih mandum ureung jeut jak kalen.

Rapa’i
Coutesy Of Google

Rapa’i langge nyoe ji tampelkan le 12 droè ureung yang geu pimpen le sidroe syeh yang geu duek meubanja ngen ureung peh rapa’i. buet syeh nyoe nakeuh sebagoe ulee tukang mee cae (syair) yang tujuan jih sebagoe peubangket seumangat persatuan, gotong royong dan laen-laen sebagoe jih.

meumacam-macam gerakan rapa’i lagee, yaitu :

  • Cèurèukeh
  • Pök-pök pulôt
  • Meulhôk

Sidangkan rapa’i gerimpheng sama lage rapai lingee cit, rapa’i gerimpheng ji peumeuen le 8 droe ureung, na sebagoe yang ba canang, pangkhep dan na cit sebagoe peunyae, yang awai phoen mula rapa’i nyoe ji mulai deungen jaroe meu beuet u wateh yang ji kheuh deungen saleum aneuk syahi. yang lheuh nyan lanjot deungen saleum rakan. dan nibak rupa jih pih meubeda dari rapai lingge, meunyoe rapai gerimpheng na gerakan-gerakan (lapeh) yang meufariasi sesuai irama rapa’i yang ji peh. 

Rapa’i
Courtesy Of Google

Admin harap bagi geutanyoe yang tamat peuran sebagoe aneuk Aceh dan penerus Nanggroe Aceh untuk generasi ukeu, harus jih beuna ta keumbangkan budaya nyoe supaya bek gadoeh dan tinggai nan.

Sumber :
Buku “Aceh Utara : Dari Kerajaan Samudera Pasai Ke Era Indrustrialisasi”

Rapa’i Gantung | Rapa’i Pasee

Assalamualaikum wr.wb

Syukur ngoen pujoe mandum meuwoe keu poe Allah, Seulaweut sajan mandum keu Rasulullah.

Nibak kesempatan kali nyoe admin meuneuk tuleh tentang salah saboh jeuneh dari kesenian rapa’i di Aceh, yaitu :

RAPA’I GANTUNG


Rapai gantung nakeuh salah saboh bagian dari kesenian rapa’i, yang rapa’i jih ji peh deungen cara ji peudeung. yang meu atoe dari rapa’i ubeut ikeu dan rapa’i rayeuk di likoet. yang fungsi dari pada rapa’i ubeut nyan sebagoe pendukung rapa’i yang rayeuk yang na di likot.

Rapai Gantung | Rapai Pasee

Geu kheuh dengen rapai pasee menurot admin mungken asai rapai nyoe dari wilayah pasee Aceh Utara.

Rapa’i Daboeh | Kesenian Mistik Dari Aceh

Assalamualaikum wr.wb

Syukur dan pujoe mandum meuwoe keu po Allah, Seulaweut sajan mandum keu Rasulullah.

Nibak kesempatan nyoe admin meuneuk tuleh tentang saboh kesenian yang asai jih dari Aceh, kesenian nyoe nakeuh salah saboh bagian dari jeuneh-jeuneh seni dari rapai. yang geu peunan deungen :

RAPA’I DABOEH

Rapa’i daboeh asai kata jih dari rapai dan daboeh, meunyoe rapa’i nakeuh peukakah musik yang asai jih dari aceh, meunyoe daboh asai kata jih dabbus yaitu jeuneh sinjata beusoe tincu yang panyang jih sijeungkai dan rayeuk jih ube aneuk jaroe punyoek.
Rapa’i daboeh nakeuh salah saboh kesenian yang sep that meucyuhu di Aceh, paken ?? jawaban jih karna rapa’i daboh nyoe brat that meu-kaet deungen ha-hai mistik, paken mistik ?? nyompat admin peuleumah dali.

Rapa’i Daboeh
Courtesy Of Google
  • Peunari lam acara top taboeh biasa jih kubai sinjata, lage gamba di miyueb :

Kubai Parang
Group Top Daboeh Trumon Aceh Selatan
Courtesy Of Suhendra Journal

Han Lhuet Tak
Group Top Daboeh Trumon Aceh Selatan
Courtesy Of Suhendra Journal

Han Lhuet Choep
Group Top Daboeh Trumon Aceh Selatan
Courtesy Of Suhendra Journal

Nyan ban hai rakan meutuah, kesenian Aceh yang that meucyuhu yaitu top daboeh (rapa’i daboeh). menuroet haba seugolom daboeh ji peumeuen, terleubeh dile ureung nyan geubaca sipupue lage bentuk do’a,menurot haba doa jih lagenyoe :

Hareum Kajep Darah Long, Hareum Ka Mat Kulet Loeng, Hareum Ka Pajoeh Asoe Loeng, Urat Kawat, Tuleung Besoe, Kulet Baja, Loen Teubiet Bak Rahim Mak Loeng, Loeng Tameng Dalam Kalimah Lailahaillallah.
Aleh betoi aleh hana tentang doa yang geubaca nyan, yang meukeusuet ureung yang maen daboeh nyoe akan keubai oeh lheuh ji meusue rapa’i. geupeunan rapa’i daboeh karna tarian nyoe ji peumeuen deungen ji ireng ngen rapa’i dan ji pimpen le salah sidroe ureung yang geupeunan deungen khalifah. menuroet haba khalifah nyoe nakeuh sidroe ureung yang na ilme keubai yang han ji pajoeh le sinjata tajam pue manteng. 

Khalifah
Group Top Daboeh Trumon Aceh Selatan
Courtesy Of Suhendra Journal
Cara peumeuen rapa’i daboeh nyoe awai mula ji peh rapa’i le ureung yang geupeunan deungen aneuk daboeh. rapai daboeh nyoe ka ji geumari di aceh bak abad ke 19. teuma na cit rapai daboeh yang di jawa, yang geupeunan deungen debus banten.

Debus Banten
Courtesy Of Google

Debus banten nyoe menurot sijarah nakeuh bagian dari rapa’i daboeh yang na di aceh cit, yang awai mula jih geuba le peungawai Cut Nyak Dhien yoeh masa Cut Nyak Dhien jidroep lee beulanda, dan hinoe keuh asai muasai daboeh meukeumbang u Jawa, khusus jih Banten Jawa Barat.

DOWNLOAD VIDIO RAPAI DABOEH DI SINOE

Sumber :

Ranup Lam Puan | Pemulia Jamee

Assalamualaikum wr.wb

Syukur ngen pujoè mandum meuwoè keu sidroè Allah, Seulawèut sajan mandum kèu Rasulullah

Nibak wate nyoè admin meuneuk tuleh bacut tentang kesenian yang cukop meucyuhu lagi meugah lagi ji thei u nanggroè lua, kesenian nyan berupa tarian yang nan tarian nyan nakeuh

TARIAN RANUP LAM PUAN 

Courtesy Of Google

Ranub lam puan nyoe nakeuh saboh tarian yang asai jih dari Acèh tepat jih Banda Acèh, Acèh Besar. tarian ranub lampuan nyoe menuroèt haba awai mula geu peuturi le ureung yang nan goèpnyan : 

YUSLIZAR (1959)


Ranub lampuan nakeuh salah saboh tarian yang geu khususkan untuk peunyambotan jamee di Aceh, jame ji samboet deungen saboh tarian yang ji peutaba deungen ranup yang ji boeh dalam puan atawa tempat ranub, dan jeut keuh keu nan dari tarian nyoe, yaitu tarian ranup lam puan.
 Tari Ranub Lam Puan
Courtesy Of Google
Ranub lampuan nyoe terdiri dari 2 boh arti, yaitu :
  • Ranub (makanan khas aceh)
  • Puan (tempat boeh ranub) 

Tarian ranub lampuan nyoe na arti droe sebagoe tarian lam penyambotan jame di aceh, lage :

  • Gerakan Saleum Seumah (artijih gerakan peumulia jamee)
  • Gerakan Pet Ranub Lheuh nyan Geuwiet Tangke (artijih gerakan peu utama jamee)
  • Gerakan Peugleh Ranub (artijih gerakan geu hidang yang get keu jamee)
  • Gerakan Geubri Gambe Dan Pineung (artijih gerakan pemulia jamee deungen makanan)

Meunan keuh bacut gambaran geu peumulia jamee yang ka geu peurunoe lee ureung Aceh awai,yaitu menyoe troeh jamee geu utamakan terleubeh dile atawa (geu peumulia).

Ranub Lam Puan Kéu Peumulya Jamèè
Courtesy Of Google

Nyompat bacut admin peugah tentang sijarah ranup lampuan yang teusoem seulama nyoe,yaitu :

  1. Soe nan pencipta musik dari tarian ranub lampuan nyoe ??

Jawaban jih adalah :  T.Djohan (almarhum)


Bagi rakan yang meu neuk baca deungen bahsa indonesia jeut neu kalen bak wikipedia atawa bak link di miyueb nyoe :


Atawa meuneuk nonton vidio ranup lampuan jeut neu download nibak link di miyueb nyoe :

 

Rapa’i Geleng | Peukakah Ngen Seni

Assalamualaikum wr.wb

Syukur dan pujoe mandum meuwoe keu po Allah, Seulaweut sajan mandum keu Rasulullah

Nibak kesempatan nyoe admin meu neuk tuleh bacut tentang kesenian Aceh yang manteng na sampoe inohat yang geukeubah lee ureung awai, kesenian nyoe nan jih nakeuh :

RAPAI GELENG

Rapa’i geleng nyoe nakeuh saboh kesenian yang asai jih dari Aceh,tepat jih daerah Manggeng yang jinoe ka itameng dalam kawasan Aceh Barat Daya (Abdya). menurot haba rapa’i geleng nyoe phon that ikeumbangkan bak thon 1965 di bineh pante baroh Aceh, yang wate masa nyan rapa’i geleng ji peumeuen  le aneuk dayah bak wate luweung sebagoe peurantaraann lam dakwah :

Rapai Geleng
Courtesy Of Google

Jeuneh tarian nyoe ipeu meukeusuet khusus keu ureung agam sagai, yang biasa jih meujumlah 12 droe, cae (syair) jih biasa geucaritra tentang kiban hudep lam masyarakat,agama bahkan kiban meu syedara yang get.
Rapa’i geleng nyoe nakeuh salah saboh kesenian dari rapa’i. sidangkan rapai nyan nakeuh salah saboh jeuneh peukakah musik tradisional Aceh. baca tentang  rapai di :

SINOE

    Rapa’i geleng nyoe na padin-padin boh bahgian jih, yaitu :

    1. Saleum
    2. Kisah
    3. Lani (Peunutop)

    Rapa’i geleng nyoe nakeuh saboh gerakan yang geu khususkan ngen peh rapai sebagoe alat tarian jih. yang tingkatan irama jih phon bacut-bacut, hingga trep keu trep tajam-tajam hingga ule-ule meu anggok-anggok dan akhe dari rapa’i geleng nyoe nakeuh geurakan pioh yang artijih geu peuhabeh tarian nyoe.

    Courtesy Of Google

    Bagi rakan lon yang meu neuk baca deungen bahasa indonesia nyompat admin jok link jih atawa jeut neu kunjongi bak wikipedia. atawa menyoe neuk download nyoempat admin jok link tarian rapa’i geleng.

     

    Tari Seudati | Lam Sijarah Aceh

    Assalamualaikum wr.wb

    Syukur dan pujoe mandum meuwoe keu po Allah, Seulaweut sajan mandum keu Rasulullah

    Nibak wate yang singkat nyoe admin meu-neuk tuleh bacut tentang kesenian yang asai jih dari Aceh,yang ka meusyuhu hingga troeh u nanggroe lua, salah saboh jih lage :

    TARI SEUDATI

    Tari seudati nyoe nakeuh salah saboh dari sekian jai  tarian yang asai jih dari provinsi Aceh, seudati asai kata jih dari syahadat yang meu arti kesaksian (ek saksi) bahwa hana tuhan yang patot ta seumbah melaikan Allah, dan Nabi Muhammad Rasul Allah.

     Tari Seudati
    Courtesy Of Google

    Tari seudati nyoe nakeuh tarian yang paleng tuha umu jih di Aceh, karna nibak jameun uroe jeh tarian seudati nyoe geu peuguna le ureung awai yoeh masa penjajah sebagoe penyemangat prang, uleh karna nyan tarian nyoe seb brat ji larang yoeh masa belanda jameun. tarian seudati nyoe pih ji seubot deungen :

    TRIBAL WAR DANCE (TARI PRANG)

    Seudati Jameun
    Courtesy Of Google
    Meunuroet haba, asai tari seudati nyoe awai phon di daerah Pidie dan seubagian daerah di Aceh Utara. yang geuba le pemuka agama pidie sebagoe alat penyebaran agama islam dalam bentuk kesenian, meu ireng deungen perkembangan ajaran islam trok keuh tari seudati nyoe keudeh u Aceh Timu, bahkan sampoean jinoe di Aceh Timu keuh yang yang jeut keu awai phon perkembangan seudati nyoe.

    Courtesy Of Google 

    Lam peunampelan jih, seudati nyoe ji apet le sidroe syeh, yang jibantu le waki syeh yang geupeunan deungen (apet syeh). sirta ibantu le dua droe ureung meucae yang jiboh nan deungen (aneuk syahi). untuk leubeh jeulah lom admin peu uroet :

    • 8 Droe Peunari 
    • 2 Droe Aneuk Syahi Seubagoe Peunyayi
    • 1 Droe Apet Syeh
    • 2 Droe Apet wie
    • 1 Droe Apet Bak
    • 2 Droe Peunari Laen
    Yang jumlah jih mandum-mandum 8 droe. nakeuh peukakah-peukakah tari seudati, di antara jih :
    • Atra top ule
    • Rintcoeng
    • Ija sampoeh Jaroe

    Nan geurakan lam tari seudati, di antara jih :

    • Kleung Pho
    • Puta Taloe
    • Bintang Buleun

    Bagian-bagian lam tari seudati, di antara jih :

    • Saleum (untuk pembuka tari) 
    • Likok (gerakan oeh lheuh saleum)
    • Saman ( saleum deungen lagu,bagian oeh lheuh likok)
    • Kisah (cae agama)
    • Nasib (panton)
    • Lanie (gerakan tari sebagoe hiburan)

    Meunan keuh yang jeut admin tuleh nibak kesempatan kali nyoe, bagi pembaca yang hanjeut neu-peumuphom deungen bahasa aceh, jeut neu baca lam bahasa indonesia bak link wikipedia yang admin jok nyoe :

    Tari Ratoeh Duek | Rateb Duek Aceh

    Assalamualaikum wr.wb

    Seugala jeuneh pujo emandum meuwoe keu po Allah, Seulaweut sajan mandum keu Rasulullah

    Nibak kesempatan kali nyoe admin meuneuk tuleh bacut tentang kesenian daerah yang asai jih dari naggroe Aceh pusaka kaya, yang nanggroe jih ubeut tapi hase jih meulimpah. kesenian yang admin meuneuk tuleh yaitu tentang tarian tradisional Aceh, yaitu :

    TARI RATOEH DUEK

    Tari ratoeh duek nyoe nakeuh salah saboh kesenian yang asai jih dari Aceh, bacut admin peugat tentang tari ratoeh duek nyoe, tari ratoeh duek nyoe seureng salah  ji peumuphom le ureung lingka yang hana tuoh tentang tarian aceh, karna di jakarta tarian nyoe jipeugah tari saman, mungken karna gerakan jih yang karap sama lage saman, cuman beda jih meunyoe tari saman ji peumeuen le ureung agam, tari ratoeh duek nyoe ji peumeuen le ureung inoeng.

     
    Tari Ratoeh Duek
    Courtesy Of Google

    Ji boeh na  ratoeh duek karna tarian nyoe jipeumeuen sira duek, dan na padin-padin boh ciri dari tarian nyoe, yaitu :
    • Ji peumeuen le ureung inoeng
    • Ji ireng deungen rapa’i
    • Cae jih dalam bahasa Aceh
    Tarian ratoeh duek nyoe asai kata jih yaitu ratoeh yang  dalam bahasa arab artijih rateb, dan duek yang arti jih geduek, jadi tarian ratoeh duek nyoe nakeuh saboh tarian yang ji peu meuen sira geu duek, yang asoe jih tentang pujoe keu Allah dan Seulaweut keu Nabi.

    Dalam tari ratoeh duek nyoe na 11 dro atawa leubeh  ureung inoeng yang jeut keu peunari, dan na padin-padin droe laen yang jeut keu syeh dan yang peh rapa’i.

     Syeh Ratoeh Duek
    APU Indonesian Week 2015, Photos by: Izza Hafiz Hilmi
    Courtesy Of Google

    Lam tari ratoeh duek nyoe na padin-padin boh unsur yang ji peuturi yaitu :
    • Seumangat Ureung Aceh (yang tamselan jih dari gerakan yang tajam-tajam)
    • Kekompakan (yang tamselan jih dari gerakan yang meusigoe-sigoe)
    • Harmonis  (yang tamselan jih dari rumeh senyuman awak peunari)
    Bagi rakan-rakan yang meuneuk baca deungen bahsa indonesia, nyompat admin joek link wikipedia jih :

    Tarek Pukat | Aceh Lam Seni

    Assalamualaikum wr.wb 

    Seugala jeuneh pujoe mandum meuwoe keu po Allah, Seulaweut sajan mandum keu Rasulullah

    Nibak kesempatan nyoe admin meuneuk sambong teunuleh tentang kesenian tradisional yang na di Aceh, yang kalheuh seumpat Admin tuleh nibak wate yang ka u likoet, teuma nibak kesempatan kali nyoe admin akan cie cuba tuleh lom yaitu tentang kesenian yang dalam bentuk tarian,yang nan tarian nyoe nakeuh :

    TAREK PUKAT

    Tarian tarek pukat nyoe nakeuh salah saboh dari sekian jai tarian yang asai jih dari Aceh, yaitu Aceh Besar, tarian tarek pukat nyoe geucaritra tentang kiban keuh buet ureung jak meulaot.
     Courtesy Of Google 

    Tarian tarek pukat asai jih dari 2 kata, yaitu :
    • Tarek
    • Pukat

    Yang artijih  tarek nyareng (jareng).

    Tari Tarek Pukat
    Courtesy Of Google


    Bagi rakan-rakan yang hana neutuoh kiban tarian tarek pukat nyoe,jeut neu download nibak tulesan “Download Di Sinoe” di miyueb nyoe :

    Tari Ula-Ula Lembing

    Assalamualaikum wr.wb

    Seugala jeuneh pujoe mandum meuwoe keu po Allah, Seulaweut sajan mandum keu Rasulullah

    Nibak wate yang singat nyoe admin meuneuk peuturi  bacut tentang kesenian yang na di Aceh, kesenian yang akan Admin tuleh kali nyoe meukaet dengen tarian tradisional,adapun tarian tradisional nyoe nakeuh salah saboh tarian yang asai jih dari Aceh,nan tarian nyoe yaitu :

    TARI ULA-ULA LEMBING 

    Tari ula ula lembing nyoe nakeuh saboh kesenian yang asai jih dari Aceh Tamiang,yang jumlah peunarijih 12 droe sagai. 
    Tari Ula Ula Lembing
    Courtesy Of Google

    Tarian nyoe ji peumeuen dengen gaya meuputa-puta di ateuh panggong atawa nibak sabôh tempat, meuputa-puta atawa meu ulang-ulang nyoe keuh yang mungken jeut keu ciri khas tarian nyoe.dan . mungken dari sinoe keuh teuka phon nan ula ula lembing.
    Mengenai paken ji kheun tari ula-ula lembing sicara lengkap admin hana get muphom lom,dan admin harap nibak pembaca blog nyoe apabila na informasi atawa sijarah tarian nyoe, jeut neu hubungi admin via e-mail :
    Atawa menyoe na neuk kalen,nyompat admin bagi link download vidio tarian nyoe, cara download jih jeut neu klick tulesan “download di sinoe” di miyueb nyoe :

    Nyompat Admin jôk email :

    AGEUTANYOE@GMAIL.COM